بەروار: 16/05/2009        : بڵاوکردنەووه

په‌یڕه‌و و پڕۆگرامی پارتی ڕاستی کوردستان

حزب الحقیقە الکردستانىrastykurd
Kurdistan Truth party
Scientific Knowledge-justice-forgiveness
دروشم: زانست و زانیاری- دادپەروەرى- لێبوردەیى
(المعرفە العلمیة-العدالە-التسامح)پێشەکى :-
ڕاستى و دروست بوونى ڕاستى، ئاشکراترین بیرو بۆچوونەکانى ڕاستى ئەوەیە، بۆ خۆشگوزه‌رانی و به‌خته‌وه‌ری و بوژانه‌وه‌ی خه‌ڵکی کوردستان تێده‌کۆشێت کەوا هەوڵ دەدات بەگوێرەى بارودۆخى کوردستان کارى خۆى ئەنجام بدات ، سه‌ره‌تا ڕێگە خۆشکەربێ بۆ دروست بوونى هه‌ر ئایدیایه‌ک، فیکروبیرێک، یا هیزرێک، یا فه‌لسه‌فه‌یه‌کی تازه‌، وه‌ یا کۆمه‌ڵه‌یه‌ک، وه‌ یا ڕێکخراوه‌کانی کۆمەڵگەى شارستانى و پیشەیى و سەندیکا جەماوەریەکان، وه‌ یان هه‌ر ناوه‌ندێکی سیاسی و ئابووری و سیتراتیژی، وه‌ پشتگیریش ناکات له‌ یه‌ک بیرو بۆچوون، وه‌ فه‌لسه‌فه‌یه‌کیش نیه‌ ڕه‌ها بێت ، وه‌هه‌روه‌ها ئێمه‌ له‌سه‌ر سێ چه‌مک ده‌ڕۆین ، زانست ، دادپه‌وه‌ری ، لێبورده‌یی

بزوتنه‌وه‌ی ڕاستی :- پێکهاتووه‌ له‌ هه‌موو ئه‌و شته‌ جوانانه‌ی که‌ مرۆڤایه‌تی و جیهان له‌سه‌ری کۆکن ،وه‌ ناشبێته‌ پاشکۆی (پڕۆی) هیچ ووڵاتێک، حیزبێک، تاکه‌ ئایدیایه‌ک وه‌یا فه‌لسه‌فه‌یه‌کی جیهانی به‌ڵکو هه‌ڵبژارده‌ی شته‌ باشه‌کانی فیکری، هیزری، فه‌لسه‌فی، ئابووری، سیاسی جیهانه‌، وه‌ بزوتنه‌وه‌یه‌کی ئازادیخوازه‌، ڕۆشنخوازه‌، ڕه‌خنه‌سازه‌، چاکساز و پاکساز و پێشنیازخوازه‌ له‌ هه‌موو بواره‌کاندا وه‌ له‌ ڕامانه‌وه‌ هه‌وڵ ده‌دات هه‌میشه‌ داهێنه‌ر بێت له‌ هه‌موو بوره‌کانی پێشکه‌وتندا.

ئامانجى حزب

سه‌ره‌تا پارتی ڕاستی کوردستان‌ هه‌ول ده‌دات بۆ درۆستکردنی (ووڵاته‌ یه‌کگرتووه‌کانی کوردستان)ئینجا ئامانجه‌کانمان بۆ دیراسه‌ت کردن و دروست کردنی مه‌دره‌سه‌یه‌کی ڕاست، وه‌ بۆ لێکۆڵینه‌وه‌، توێژینه‌وه‌، شیکردنه‌وه‌ی هه‌موو بارودخێکی ژیان که‌ بۆ ئاینده‌ی مرۆڤ گونجاو بێت، تازه‌گه‌ر بێت، به‌ پشت به‌ستن به‌ بنه‌ماکانی ئایین، فه‌لسه‌فه، زانست، هونه‌ر، وه‌رزش، په‌روه‌رده‌، چه‌مکی عه‌قلانیه‌ت، چه‌مکه‌ سیاسیه‌کانی سه‌رده‌م، به‌گوێره‌ی سه‌رده‌م کاری له‌سه‌ر بکه‌ین و به‌رده‌وامبین له‌ سه‌ر مه‌دره‌سه‌ی ڕاستی بۆ فه‌لسه‌فه‌یه‌کی پۆست مۆدێرن ،بۆ هۆشیار کردنه‌وه‌ی پیر، لاو، ئافره‌ت، خوێنده‌ڤان، په‌ککه‌وته‌، مێردمنداڵ، چینه‌ پیشه‌ییه‌کان له‌ ڕێگه‌ی گرینگی دان به‌ حه‌ز و ئاره‌زوه‌کانیان، ڕاست کردنه‌وه‌ی هه‌ڵه‌کان و خیانه‌ت نه‌کردن له‌ خاک و نیشتیمان وه‌ هه‌وڵ ده‌دات بۆ تێڕوانینێکی شیاو له‌ سه‌ر پڕانسیپه‌کانی دیموکراسی، یه‌کسانی ژن و پیاو له‌ زۆربه‌ی لایانه‌کانی ژیان و مافی ئینسان و عه‌داله‌تیه‌ کۆمه‌ڵایه‌تیه‌کان، دین، عیلمانیه‌ت ،کۆمه‌ڵگای مه‌ده‌نی .
ئامانجه‌کانی حزب پێک دێت له‌:-
1- هەموومان بەیەکەوە هاوکارو برابین بۆ دانانى بەردى بناغەى کوردستانێکى فیدرال و ئازادو نوێ .
2- هه‌ڵبه‌ته‌ ئه‌و بنه‌مایه‌ی که‌ ئێمه‌ کاری له‌سه‌ر ده‌که‌ین بۆ ڕزگارکردنی هه‌ر پێنچ پارچه‌ی کوردستانه‌ ، بنه‌مایه‌کی نهێنیه‌ ، شۆڕش به‌ قه‌له‌م ، خۆپێشاندانی هێمنانه‌ و ناساندنی زوڵم و زۆرداریه‌کانه‌ له‌ جیهان به‌ ڕای گشتی و هاندانی دژه‌ سه‌ره‌کیه‌کانمان به‌ دژه‌ ئاشکراکانمان به‌ دوژمنه‌ نادیارو کۆنه‌کانمان له‌ ناو به‌رین، له‌ ڕێگای ئازادى بیرو ڕا دەربڕین و خۆپێشاندان و رێپێوان و کۆبوونەوەى هێمنانە .
3- بەیەک هەڵوێست دەست لەناو دەست باهەنگاو بنێین بۆ کۆمەڵگاى مەدەنى .
4- ئازادى بیروڕا دەربڕین بۆ هەموو کەس دەستە بەر بکرێت .
5- ئەنجامدانى هەڵبژاردنى ئازاد لە سەرتانسەرى کوردستان .
6- باڵا دەست بوونى یاساو دابین کردنى ئاسایش و هێمنی بۆ هەموو هاوڵاتیان .
7- دابین کردنى مووچە بۆ ئەوانەى کارناکەن و بێ کارن بەمەبەستى دابین کردنى ژیانیان و دوا ڕۆژیان (سیستەمى سۆشیال ، ضمان الاجتماعي) .
8- سیستەمى دەسەڵات دەبێت فیدڕاڵى و فرە حزبى پەرلەمانى بێت .
9- پارێزگارى کردن لەیەک پارچەیى خاکى کوردستان .
10- ناساندنی ئه‌نفال جینۆسایدی کورد به‌ جیهان و قه‌ره‌بوو کردنه‌وه‌یان له‌ لایه‌ن حکومه‌تی عێراقی و 16/3 بکرێت به‌ رۆژی جینۆسایدی مرۆڤایه‌تی له‌ جیهاندا به‌ ڕۆژی پشوو دابنرێت .
8- چاککردنى بارو گوزەرانى کەس و کارى شەهیدان .
9- گرینگى دان بەوەرزش-هونەر-ئەدەب-ڕۆشنبیرى .
10- گرینگى دان بە مافى ئافرەتان و پیاوان و منداڵان .
11- گرینگى دان بە تەندروستى خەڵک و پارێزگارى کردنى ژینگە .
12- پارێزگارى کردن لە سامانى ئاو و ماسى .
13- گرینگى دان بە زیندانە سیاسیەکان و دابین کردنى مافەکانیان .
14- پابەند بوون بە ئاینى ئیسلام کەدوا ئایینى ئاسمانیە، لەگەڵ گرینگى دان بە ئایینەکان وه‌ یان رێزگرتنیان .
15- ڕێز گرتن له‌ ئایین و ئاینزاکان ، بۆیه‌ پێویسته‌ چاکسازی له‌نێو پیاوانی دا ئایینی بکرێت .
16- گۆڕینی دراو بۆ دراوێکی کوردی .
17- گرنگى دان و پێشخستنى بارى ئابوورى کوردستان لە داهاتى نەوت و کشتوکاڵ و پیشه‌سازی و گەشت و گوزار .
18- دامه‌زراندنی گه‌وره‌ترین ده‌زگای نه‌وتی کوردی.
19- هه‌وڵدان بۆ درووست کردنی ووزه‌ی ئه‌تۆم، بۆ به‌کار هێنانی خزمه‌ت گوزارییه‌کان، به‌تاییبه‌تی به‌ده‌ست هێنانی ووزه‌ی کاره‌با.
20- پێشینه‌ی خانوو به‌ره‌ (سلفه‌ی عقار).
21- گرنگى دان بەدەستهاتى تاکە کەسى و چاککردنى بارو گوزەران و ژیانیان .
22- دروست کردنی خانوو، شوقه‌ی حکومی، دانییان به‌کرێ بۆ هه‌ژاران، که‌م ئه‌ندامان، ده‌رکراوان، کوڕان و کچانی تازه‌هاوسه‌ر، واتا خه‌ڵکانی بێ جێ گه‌و ڕێگه .‌
چاکسازی پیاوانی ئایینی
ده‌بێت مامۆستایانی ئایینی بۆخۆیان فیقهه‌یه‌ک دابڕێژن که‌ له‌گه‌ڵ ئه‌م چه‌رخه‌دا بگونجێت، کار بکه‌ن به‌ لێکدانه‌وه‌ی قورئان و حدیثه‌کانی پێغه‌مبه‌ر (د.خ).
کردنه‌وه‌ی مزگه‌وتی ئافره‌تان.

چاکسازی‌ سیاسیه‌کان
 چاکسازی سیاسی واتا هه‌وڵدان بۆ نه‌مان و ڕوخانی (نیزامي)سیسته‌می تاک ڕه‌وی له‌ جیهان ، به‌تایبه‌تی له‌ ڕۆژهه‌ڵاتی ناوه‌ڕاست ،واتا حوکم و ده‌سه‌ڵاتی خه‌ڵک بێت نه‌ک تاک ڕه‌وی .
 نەهێشتنى گروپى چەکدارى له‌ نێو پارته‌ سیاسیه‌کاندا، قەدەغە کردنى هەڵگرتنى چەک بۆ هاوڵاتیان تەنها ئەوانەى بەمۆڵەتى یاسایی نەبێت .
 له‌ سیسته‌می سیاسی کوردستان هه‌وڵی گۆڕانی بنه‌ڕه‌تی ده‌ده‌ین، واتا له‌ڕه‌گه‌وه‌ گۆڕان ئه‌نجام ده‌ده‌ین.
 بێ قه‌یدوو شه‌رت لادانی هه‌موو ئه‌و به‌ر پرسانه‌ی که‌ زیاتر له‌ ده‌ساڵه‌ خاوه‌ن ده‌سه‌ڵاتن.
 دابین کردنی ئاسایشی ته‌واو بۆ هه‌ر سه‌رکرده‌یه‌ک کاتێک له‌سه‌ر ده‌سه‌ڵات خانه‌نشین کرا یان به‌پێی ویستی خۆی ده‌ستی له‌ کار کێشایه‌وه‌ واتا به‌بێ کوده‌تا ده‌ستبه‌رداری ده‌سه‌ڵات بوو .
 ئێمه‌ بۆیه‌ داوای فیدرالیه‌ت ده‌که‌ین له‌ چوار چێوه‌ی کوردستانی گه‌وره‌ تا کێشه‌ی (سوڵته‌) حوكـمڕانیمان نه‌مێنێت له‌ دوا ڕۆژدا، جارێکی تر توشی براکوژی، خۆکوژی نه‌بینه‌وه‌، دوای ڕزگار کردنی کوردستانی گه‌وره‌ کێشه‌ی کاری هه‌ره‌ گه‌وره‌ی داهاتوومانه ‌.
 ڕێگه‌ گرتن له‌هه‌موو پرۆتۆکۆلێکی نهێنی له‌نێوان هه‌رجیهه‌تێک و ده‌زگایه‌ک له‌گه‌ڵ ووڵاتان .
 گۆڕینی یاسای هه‌ڵبژاردنه‌کان له‌ لیستی حیزبیه‌وه‌ بۆ لیستی که‌سایه‌تی شیاو و هه‌ڵبژێردراو ڕاسته‌وخۆ له‌لایه‌ن میلله‌ته‌وه‌ .
 دژی هه‌موو دکتاتۆریه‌تێکی ڕه‌ها و تووند ڕه‌وین، جا چ دیینی بێت یان دکتاتۆری پڕۆلیتاری، یا عه‌له‌مانی …هتد .
 پاکسازی له‌ نێو ڕێکخراوه‌ ناحکومیه‌کان، به‌رپرسی هه‌ر ڕێکخراوێکی سه‌ربه‌خۆ کادیری هه‌ر حزبێک بێت، وه‌یان به‌رپرسیارییه‌تی له‌ حکومه‌ت هه‌بێت، ده‌بێت ڕێکخراوه‌که‌ ته‌جمید بکرێت.
 جیاکردنه‌وه‌ی ده‌زگای ئاسایش و سوپاو پۆلیس له‌ جیزب، سه‌ربه‌خۆیی ته‌واوی خۆیان هه‌بێت.
 گۆڕانی ته‌واو له‌ یاساکانی حزبی به‌عسی پێشوو.
چاکسازیه‌ ئابووریەکان
 چاکسازی ئابووری هه‌وڵ ده‌دات بۆ نه‌‌هێشتن و له‌ ناو بردنی وه‌حشی گه‌رانه‌ی سه‌رمایه‌داری .(راسمالي وحشی گه‌رانه‌) .
 لێکۆڵینه‌وه‌ له‌و سه‌رمایه‌دارانه‌ی که‌ به‌هۆی خاپ به‌کار هێنانی ده‌سه‌ڵات و سامانی گه‌له‌وه‌ ده‌وڵه‌مه‌ند بوونه‌.
 بۆ به‌رزکردنه‌وه‌ی ئاستی (ئیقتصادی) ئابووری ووڵات، پێویسه‌ لاوان (عنصرێک) کاره‌کته‌رستی ئه‌ساسی بن .
 قه‌ده‌غه‌کردنی ڕیبا له‌ بازاره‌کان و نه‌هێشتنی له‌ بانکه‌کان.
 چاودێری کردنی بازاڕی ئازاد .
 کاری ئێمه‌ له‌پێناو چیینه‌ هه‌ژاره‌که‌ بگه‌یه‌نینه‌ سه‌ره‌وه‌و ناوه‌ڕاست.
 ڕێگا گرتن له‌ ناردنه‌ ده‌ره‌وه‌ی پاره‌ی زۆر به‌ بێ ئاگادارکردنه‌وه‌ی حکومه‌ت ، ته‌نیا بۆ مه‌به‌ستی کڕینی کارگه‌و مادده‌ی پێویست .
 کڕینی چاپخانه‌ی گشتی بۆ کوردستان و ڕاهێنانی کادیری کاراما بۆ به‌کار هێنانی چاپه‌مه‌نی .
 قه‌ده‌غه‌ کردنی بێ قه‌یدو شه‌رتی یاریگا و شوێنی قومار کردن له‌ سه‌رتانسه‌ری کوردستان .
 که‌م کردنه‌وه‌ی موچه‌ی به‌رپرسان، به‌رزکردنه‌وه‌ی مووچه‌ی فه‌رمانبه‌ران به‌گشتی ، مامۆستا، کرێکار، دکتۆر…هتد
چاکسازیه‌ کۆمەڵایەتیەکان
 چاکسازی فه‌رهه‌نگی واته‌ ڕێگه‌ گرتن له‌ خه‌ته‌نه‌ کردنی کچان .
 بڕینه‌وه‌ی مووچه‌ بۆ هه‌موو خێزانێک که‌ مناڵیان له‌ خوار 16 ساڵیه‌ و باوکیان یان دایکیان نه‌ماوه، بۆ مناڵه‌کان‌ تا ته‌مه‌نیان ده‌بێته‌ 16 ساڵ .
 دۆزینەوەى ڕێگا چارەیەکى گونجاو بۆ کێشەى قەیرەیى و ڕەبەنى و هاندان و یارمەتى دانى گه‌نجان بۆ دروست کردنى ژیانى هاوسەرگیرى و دەستەبەرکردنى پێداویستیەکانیان و هەوڵدانیان بۆ لێک نزیک بوونەوەیان .
 په‌روه‌رده‌یه‌کی ڕه‌سه‌ن بۆ گه‌نجان و مێرد منداڵان بۆ دوا ڕۆژ.
 ڕێگاگرتن و قەدەغەکردنى زۆربوونى منداڵ ، سنوور دانان بۆ ڕێژه‌ی منداڵ بوون .
 قه‌ده‌غه‌ کردنی دیارده‌ی خه‌ته‌نه‌ کردن له‌ نێو مێینه‌دا .
 ڕێگا گرتن له‌ گه‌وره‌به‌ بچوک و ژن به‌ ژنی و نه‌هێشتنی ماره‌یی زۆر .
 به‌ هه‌موو شێوه‌یه‌ک یاساغه‌ خۆ ڕوت کردنه‌وه‌ی ته‌واو- نێر و مێ له‌ هه‌ر شوێنێکی کوردستان بێت .
 سزای زیندانی بۆ هه‌ر کارێکی سێکسی نێوان نێر و نێر واتا نێر بازی و میینه‌ بازی واتا ڕه‌گه‌زی مێینه‌ له‌گه‌ڵ مێینه‌ .
 گه‌وره‌ترین سزای زیندانی که‌متر نه‌بێت له‌ 10 ساڵ له‌سه‌ر ده‌ست درێژی سێکسی له‌گه‌ڵ مناڵی خوار 16 ساڵی .
 یه‌کێک له‌ هه‌ره‌ کاره‌ گرینگه‌کانی ئێمه‌ پاراستنی کوردستانه‌ له‌ کۆنتڕۆل کردنی هێنانه‌ ناوه‌وه‌ی نه‌خۆشیه‌کانی ئایدزه‌ .
پاکسازی و چاکسازی حکومی واتا ده‌وڵه‌ت
دامه‌زراندنی لێژنه‌ی (نه‌زاهه‌ت) پاک، پێک هاتبێت له‌ به‌رپرسانی ڕێکخراوه‌ ناحکومییه‌کان، ده‌بێت شه‌فاف و ڕوون بن، وه‌ ده‌بێت پێک هاتبن له‌چه‌ندین لێژنه‌، بۆ هه‌ر لێکۆڵینه‌وه‌و لپێچانه‌وه‌ی کارێکی حکومی 3سێ لێژنه‌ پێک بێت، وه‌ باجی تاییبه‌تیان هه‌بێت، ڕێگه‌یان واڵابێت بۆ هه‌ر شوێنێک که‌ بیانه‌وێت کاری تیا بکه‌ن .
ده‌زگایه‌کی ڕاگه‌یاندن بۆیان ته‌رخان بکرێت، به‌ ڕوون و ئاشکرایی گه‌نده‌ڵییه‌کان به‌ خه‌ڵک ڕابگه‌یه‌نن .

پەیڕەوى ناوەخۆ
بەندى یەکەم
ناوى حزب: حزبى ڕاستى کوردستان
بەندى دووەم
حزب کاردەکا لەسەرتانسەرى جیهان
بەندى سێیەم
ئارمی حزب / کۆترێکی سپی په‌یامبه‌ره‌، ئاڵای کوردستان به‌مللیه‌وه‌یه‌تی، له‌گه‌ڵ نامه‌یه‌ک، که‌ په‌یامی ڕاستی تیادا نووسراوه‌ .
چواره‌م
هەیکەلى ڕێکخستنى حزب :-
یەکەم : کۆنگرە /بڕیاری کۆنگره‌ گەورەترین دەسەڵاتە لەناو حزب وە لە هەر (2)دوو ساڵ جارێک دەبەسترێت ،وە ئەندامانى کۆمیتەى ناوەندى یان ( سه‌رکردایه‌تی) ئەگەر نیوەى زیاتر دەنگ بدەن بۆ داخستنى کۆنگرە بۆماوەى یەک ساڵ .
کۆنگرە پێک دێت لە ئەندامانى کۆمیتەى ناوەندى ئەندامانى یەدەگ وەئەندامانى لقەکان( بنکه‌کان ) و نوێنەرانى ڕێکخراوەکانى ترى حزب .
بڕیاردان لەسەر دانان و گۆڕینى پەیڕەو و پڕۆگرام بەپێى بارودۆخى ئەو کاتە ده‌بێت .
گوێ گرتن لە ڕاپۆرتى کۆمیتەى ناوەندى و ڕامیارى و ڕێکخستن و دارایى و ڕاگەیاندن و کۆمەڵایەتى گفتۆگۆکردن و هەڵسەنگاندنى کارو چالاکیەکانیان .
دەست نیشان کردنى ئەندامانى کۆمیتەى ناوەندى و ئەندامانى یەدەگ و هەڵبژاردنیان لە نێوان دوو کۆنگرە
تەماشاکردن وە پێداچوونەوەى سکاڵاى ڕێکخستنى حزبى و ئەندامان .
هەڵوەشاندنەوەى حزب بە بڕیارى زیاتر لە نیوەى ئەندامانى کۆنگرە دەبێت .
دووەم : کۆنفرانس / کۆنفرانس لە کاتێک دا دەبەسترێت کە پێشکەوتنێکى گرنگ بێتە دى یان گۆڕانکاریەک لە بارودۆخدا بەسەر کوردستان دا بێت یان لەسەر داواى نیوەى زیاترى ئەندامان .
ئەندامانى کۆمیتەى ناوەندى و ئەندامانى لیژنەى پارێزگاکان و قەزاکان و ناحیەکان کۆمەڵگا گەورەکان بەشدارى دەکەن .
کۆنفڕانس هەموو دەسەڵاتێکى هەیە وەک کۆنگرەو بەڵام ناتوانێ کۆمیتەى ناوەندى هەڵوەشێنێ و گۆڕانکارى لە پەیڕەو و پڕۆگرامى چارەنووسى حزب بکات .
پێویستە کۆمیتەى ناوەندى پابەندى بڕیارەکانى کۆنفڕانس بێت .
سێ یەم: (کۆمیتەى ناوەندى)/ کۆنگرە (کۆمیتەى ناوەندى) هەڵدەبژێرێ وە کۆمیتەى ناوەندى پێک دێت لە 34 سی وچوار ئەندام و 6 شه‌ش یەدەگ و پێویستە ئەو ئەندامەى خۆى هەڵدەبژێرێ بۆ کۆمیتەى ناوەندى دەبێت ئەم مەرجانەى خوارەوەى تێدا بێت :-
• لە تەمەنى (25) ساڵی کەمتر نەبێت .
• لێهات و چالاک و ڕۆشنبیر بێت و بڕواى بە پەیڕەو و پڕۆگرامى حزبى ڕاستى کوردستان بێت .
• خاوەن ڕەوشتێکى باش بێت .
• پلەى بەرزى نەبووبێت لە حزبى بەعسى پێشوو .
• کۆمیتەى ناوەندى گەورەترین دەسەڵات لە نێوان دوو کۆنگرە بەرامبەر هەموو کارەکان .
• سەرپەرشتى کارگێڕى و هەموو کارو چالاکى و ڕێکخستنەکانى دەکات بەئامانجى هێنانەدى ئامانجەکانى حزب کە لە پەیڕەو و پڕۆگرامى ناوەخۆ دا هەیە .
• کۆمیتەى ناوەندى لەسەر داواى (م.س) هەڵدەستێ بەکۆبوونەوە ئاساییەکانى لە سێ مانگ جارێک بەئامادەبوونى ئەندامان و وە دەکرێ ئەندامانى یەدەک بەشدار بن بە بڕیاری (م.س) .
• هەڵدەستێ بەجێ بەجێ کردنى بڕیارەکانى کۆنگرە بەپێى نەخشەیەکى گونجاو وەبەرنامەیەکیش دادەنێ بۆ جێ بەجێ کردنى .
• بۆى هەیە (م.س) و ئەندامانى هەڵدەسەنگێنێ سەرزەنشتیان بکات .
• کۆمیتەى ناوەندى بەرپرسیارە لە کارو چالاکیەکانى وە هەر ئەندامێکى بەرپرسیارە لەکارو کردەوەکانى تایبەت بەخۆی و پابەندبوون بەپەیڕەو و پڕۆگرامەکانى حزب کە لەئەستۆیدایە .
• ئەگەر ئەندامێکى کۆمیتەى ناوەندى تووشى سزاى دەرکردن یان دوورخستنەوەى هات لە حزب ئەوە تەنها بۆ کۆمیتەى ناوەندى هەیە کەوا ئەو بڕیارە بدات بەبڕیارى زیاتر لە نیوەى ئەندامانى ڕاسپاردنى کۆنفڕانس یان کۆنگرە بە ئەنجامدانى ڕێ و شوێنى پێویست .
چوارەم :- مەکتەبى سیاسى
• کۆمیتەى ناوەندى لەنێوان ئەندامانی دا ئەندامانى مەکتەبى سیاسى هەڵدەبژێردرێت کە پێک دێت لە (9) ئەندام (7) ئەندامى سەرکردایەتى و (2) ئەندامى یەدەک ،وە لەکاتى پێویست دا دەکرێ دووبارە هەڵبژێردرێنەوە .
• مەکتەبى سیاسى دەبێتە کارگێڕى و کۆمیتەى ناوەندى نوێنەرایەتى دەکات وە کارى ئەوان دەکات و هەڵدەستی بەئەنجامدانى کۆبوونەوەو جێ بەجێ کردنى بڕیارەکانى کۆنگرەو کۆمیتەى ناوەندى .
• (م.س) چ وەک دەزگاو چ کەسایەتى ، بەرپرسە بەرامبەر کۆمیتەى ناوەندى .
• پێویستە لەسەر (م.س) راپۆرتى ڕێک و پێک پێشکەشى کۆبوونەوەکانى کۆمیتەى ناوەندى بکات تایبەت بەهەموو کارە سیاسیەکانى حزب و رێکخستن و راگەیاندنى دارایى و کۆمەڵایەتى پەیوەندیە گشتى یەکان .
پێنجەم :- (سەرپەرشتی کارى گشتى) و (جێگرى سەرپەرشتى کارى گشتى) و (سکرتێر) .

سەرپەرشتى کارى گشتى : کۆمیتەى ناوەندى هەڵدەستێ بە هەڵبژاردنى (س.گ) لەنێوان ئەندامەکان و لەگەڵ هەڵبژاردن و جێگرو سکرتێر لەیەکەم کۆبوونەوەدا لەدواى کۆنگرەدا.
کۆمیتەى ناوەندى دەسەڵاتیان دەستنیشان دەکات و وە مافى هەیە ئەگەر پێویستى کرد دووبارە هەڵیان بژێریتەوە .
ململانێکانی ناو حزب
ئاساییه‌ له‌سه‌ر ئه‌ساسی (مونافه‌سه‌) ململانێ و پێشبڕکێ کاربکرێت، له‌یه‌ک بوونی هه‌ر بیروو بۆچونێک ده‌سه‌ڵاتمان به‌هێز ده‌بێت و ڕه‌نگدانه‌وه‌ی ده‌بێت له‌ بڕیارداندا.
له‌هه‌ر بڕیارێک ئه‌ک لایی نه‌کرایه‌وه‌، سه‌رپه‌رشتی کاری گشتی و یه‌ک له‌ ئه‌ندامانی مه‌کته‌بی سیاسی بۆیان هه‌یه‌ مافی ڤیتۆ به‌کار بهێنن بۆ ئه‌وه‌ی به‌ بیرو بۆچوونه‌کاندا بچنه‌وه‌ ، وه‌یان بڕیاره‌که‌ دوا بخه‌ن بۆ ماوه‌یه‌ک، که‌ زیاتر نه‌بێت له‌ شه‌ش مانگ.
هه‌ر ململانێیه‌ک هه‌بێت نابێت له‌سه‌ر ئه‌ساسی به‌رژه‌وه‌ندی شه‌خصی و تایبه‌تی ده‌سه‌ڵات بێت.
بەندى پێنجه‌م:- ئەندامى حزب .
مەرجى ئەندامیەتى
• هەموو هاووڵاتیەک بەبێ جباوازى نەتەوەو مەزهەب و ڕەگەز هەموو کەسێک ئازادە بێتە ڕێزى ئەم حزبە، ببێتە ئەندام چ کورد یان عەرەب یان فاس یان تورک و تورکمان یان ئاشورى و کلدان و یەزیدی و فەیلى…هتد .
• بۆ هه‌موو که‌سێک هه‌یه‌ ببێته‌ ئه‌ندام، گه‌ر هه‌ر جۆره‌ ئایدیاو فکره‌یه‌کی تری هه‌بێت، ته‌نیا دژی ئینسانیه‌ت نه‌بێت .
• پێویسته‌ دوو ئه‌ندامی حیزب بیناسێنن .
• تەمەنى لە (16) ساڵ کەمتر نەبێت وە بۆ هەردوو ڕەگەز (نێرو مێ) .
• پەیڕەو و پڕۆگرامى حزب بخوێنیتەوەو پابەندى بێت وە شەڕەفى ئەندامێتى پێ دەرێت .
• خاوەن ڕەوشتێکى باش بێت .
• بۆ ماوه‌ی دوو مانگ له‌ ژێر تاقی کردنه‌وه‌ دا بێت .
• لەدواى دوو مانگ دەبێتە پاڵێوراو .
• ئابوونه‌وه‌ی ساڵانه‌ بدات و به‌ژداری ڕه‌مزی له‌ داهاتی ماددی حیزبدا بیکات .
• کاربکات لە ڕێکخراوێک یان لە شانۆیەکى حزب .
ئەرکەکانى ئەندامى حزب :-
• پابەندبوون بە پەیڕەو و پڕۆگرام و سیاسەتى حزب .
• بڕیارو سیاسه‌ته‌کانی حزب جێ به‌ جێ بکات وه‌ به‌ هه‌موو تواناوه‌ بەرگرى لە حزب و سەرپەرشتیکارى گشتى تا هەڤاڵانی بکات .
• پاراستنى نهێنیەکانى حزب و یەکێتى حزب .
• پێویستە بەرژەوەندى گەل و بەرژەوەندى حزب لە سەرووى بەرژەوەندى خۆیدا بێت .
• پێویستە راستگۆو پاک بێت لەگەڵ حزب و ڕاستیەکان لە حزب نەشارێتەوە .
• پێویسته‌ وه‌لائتان بۆ سه‌رکرده‌که‌تان، قائیده‌که‌تان ، بۆ نیشتیمان ، بۆ دایک، بۆ حیزب و که‌س وکارتان هه‌بێت .
• باوه‌ڕی ته‌واوی هه‌بێت به‌ به‌نده‌کانی مافی مرۆڤ و یه‌کسانی ژن و پیاو له‌ مه‌یدانی کاردا .
• کاربکات بۆ بەرزکردنەوەى ئاستى هزرى و رۆشنبیرى حزبى و گشتى .
• پەیوەندى بەتین بکات لەگەڵ خەڵک و ئامانج و مەبەست و هەڵوێستى حزب بۆیان شیبکاتەوە ،لەهەمان کاتدا گوێ بگرێ لە راو بۆچوونیان ،هەست بەئازار و هیواو ئاوات و داخوازیەکان بکات و بیگەیەنێت بە حزب .
• نابێت بچێتە ڕیزى هیچ دام و دەزگاى ئاسایش و دام و دەزگاکانى هەواڵگەرى و لەو چەشنە لەناوەخۆ و لە دەرەوە ،نابێ هیچ پەیوەندیان پێوە بکات بەبێ رەزامەندى حزب.
• حزب ئاگادار بکاتەوە لە گۆڕینى جێگاى دانیشتن و نیشتە جێ بوون و کارکردنى .
(مافى ئەندامى حزب)
مافەکانى ئەندامى حزب :
• ئەندامى حزب مافى رادەربڕینى و پێشنیارو بەژدارى کردنى هەیە لە کۆبوونەوەکان گفتوگۆکانى حزبى بە ئازادى مافى هەیە بەژدارى بکات لە نەخشەى سیاسەتى حزب و وە مافى چاودێرى جێ بەجێ کردنى ئامانجەکانى حزبى هەیە .
• مافى رەخنەگرتنى هەیە لەهەر دەزگاو رێکخراوێکى ناو حزب یان ئەندامى ناو حزب،هەروەها ئەوەش هەمووى لەناو کۆبوونەوەکانى حزبى جێ بەجی دەکرێت .
• وه‌ مافی هیچ که‌سێک نیه‌ ڕێگه‌ له‌ بۆچوون و ته‌فسیره‌ جیاوازه‌کان بگرێت .
• دەست نیشان کردن و هەڵبژاردنى دەزگاکانى حزبى و بەپێى دەقى پەیڕەوى ناوەخۆ دەبێت .
• مافى بەرگرى لە خۆکردنى هەیە لەکاتى ڕووبەڕووبونەوەى سزاى حزبى .
• مافى داواکردنى یارمەتى هەیە لە حزب لە کاتى پێویست .
• مافى وازهێنانى هەیە لە حزب لەگەڵ پێشکەش کردنى داواکاریەک کە هۆى وازهێنانەکەشى تێدا ڕوون بکاتەوە ،دەتوانێت لەدواى پاشگەز بوونەوەى بگەڕێتەوە ناو ڕێکخستنەکانى حزب وە هەر ئەندامێک بۆ ماوەیەکى درێژ پەیوەندى بەحزبەوە پچڕا بەبێ مۆڵەت وەیان بەبێ هۆ ئەوا بەوازهێنان دادەنرێت لە حزب پێویستە شەڕەفى ئەندامیەتى بپارێزێت لەکاتى بەندبوون و گیرانى بەهۆى کارى سیاسى .
بەندى شه‌شه‌م:-
سزادانى حزبى
• سزادانى حزبى کارێکى گرینگ و پێویستە بۆ رێک و پێکى و پەورەدەکردنى ئەندامانى حزب ،بۆ ئامانجى بەرزکردنەوەى ئاستى پابەندبوونى حزبى و پارێزگارى لەیەکێتى سەلامەتى حزب وە تواناى جێ بەجێ کردنى کارەکانى وە پێویستە سزاى حزبى بەکارنێت تاکو ڕێگا چارەو شێوازەکانى ترى پەروەردە و ڕۆشنبیرکردن و ئارستەکردنى ئەندامانى حزب نەگرێتە بەر .
• ئەو سەرپێچیانەى کە پێویست دەکات سزاى حزبى لەسەر دا جێ به‌ جێ بکرێ .
• کەم تەرخەمى و پشت گوێ خستنى جێ بەجێ کردنى کارەکان و بڕیارەکانى حزب .
• ئاشکراکردنى نهێنى حزب زەرەر گەیاندنى بە ئاسایشى حزب .
• سەرپێچى کردنى ئامانجە ستراتیژیەکانى حزب .
• لەدەست دانى یەک لەمەرجەکانى ئەندامیەتى کەلە پەیڕەوى ناوەخۆدا هەیە .
• خراپى بەکارهێنانى سامان و دارایى کەلوپەلى حزب و گەندەڵى دارایى .
• خیانەت کردن و کارکردن لەگەڵ دوژمن سزاکانى حزبى بەپێى زنجیرەى پلەى سەرپێچى و دووبارەکردنەوەى .
• ئاگادارکردنەوەى نهێنى .
• ئاگادارکردنەوەى ئاشکرا .
• دابەزاندنى لەپلەى بەرپرسیاریەتى .
• ڕاگرتن لە مافى پلەى حزبى تا کاتێکى دیارى کراو .
• لادان .
• دەرکردن .
• حزب پێکهاتەى ڕێکخستنى تایبەتى خۆیى هەیە لەسەر بنەماى ڕێکخستنى تر کە جیاوازە لەگەڵ بنکەکانى تر کە باس کران ئەویش بەپێ ى پێویستى کارى سیاسى و بەرژەوەندى حزب .
• حزب هێڵى ڕێکخستنى پیشەیى هەیە وەک ڕیکخستنەکانى ئافرەتان و بێکاران و مامۆستایان و پیاوانى ئایینى خوێندکاران و ئەندازیاران و لاوان و پارێزەران و پزیشکان وجیۆلۆجیان و هونەرمەندان و ….هتد کەبەستراون بە لیژنەى پارێزگا .
به‌ندی حه‌وته‌م:-
دارایى
یەکەم / سه‌رچاوه‌ی دارایى پێک دێت لە
• ئابوونەى حزب لە ئەندامانى کە نووسینگەى دارایى تەرخانى دەکات .
• ئەو بەخشین و کۆمەکەى ئەندامان و لایەنگران و دۆستان دەیبەخشن.
• قازانجى ئەو چالاکیانەى حزب .
• یارمەتیە مرۆییەکان لەسەر بنەماى پاکى و بێگەردى .
• هەر سەرچاوەیەکى تر کە لێژنەى ناوەندى بڕیارى لەسەر دەدات .
دووەم:- دارایى حزب لە بودجەى مانگانە رێک دەخرێت کە تیایدا چى دەست کەوتووە و چى سەرف کراوە کە لەلایەن نووسینگەى دارایى و ووردبینى دارایى دادەنرێت .
مەکتەبى سیاسى و نوسینگە تایبەتیەکان و لیژنەى پارێزگاکان و لیژنەکانى شارە گەورەکان و ناوچەکان و ڕیکخستنى تایبەت و هێڵەکانى ڕێکخستنى پیشەیى ،ئەمانە گشتیان هەریەکە بودجەى تایبەتى بەخۆى هەیە .
سێ یەم:- دەسەڵاتى وەرگرتن و سەرف کردنى دارایى بەپێى ڕێوشوێنى دارایى گشتى دەست نیشان دەکرێت کەلەلایەن نوسینگەى دارایى و ووردبینى داراییەوە دادەنرێت
بانگه‌وازی خێرخوازی :-
تا ئێستا حیزب ئابوونه‌ی حیزب له‌ هیچ ئه‌ندامێک وه‌رنه‌گیراوه‌ ، ته‌نیا به‌خشینی هاوکاری له‌ لایه‌ن ئه‌ندامانه‌وه‌ به‌ دڵی خۆیان
وه‌ ئێستا ئێمه‌ پێویستمان به‌ ئابوونه‌ی حیزب هه‌یه‌ تا که‌ناڵێک ده‌دۆزینه‌وه‌ . وه‌ ئێستا دوو ڕێگه‌ چاره‌مان هه‌یه‌ یا حیزب دووباره‌ له‌ دوای که‌ناڵێک بگه‌ڕێت بو هاوکاری ماددی وه‌ربگرێت وه‌یان خۆبه‌خشانه‌ هاوکاری حیزب بکه‌ن تا بتوانین به‌ژدار بین له‌ هه‌ڵبژاردنی داهاتووی ده‌وڵه‌ت ، وه‌ ئه‌مڕۆش ئه‌گه‌ر بمانه‌وێت داهاتوومان باش بێت ده‌بێت کارو چاڵاکیه‌کانمان په‌ره‌پێ بده‌ین.
داوا لە گشت خێرخوازان دەکەین بۆ پێشکەش کردنى دەستى یارمەتى و کۆمەک جا چ تاکە کەسى بن یان کۆمپانیا یاخود لایەنى خێرخوازى تر.
به‌ندی هه‌شته‌م:-
ڕاگەیاندن
یەکەم : هۆکانى ڕگەیاندن بەستراونەتەوە بە نوسینگەى ڕاگەیاندن کە لەگەڵ مەکتەبى سیاسى پلانێکى گشتى داڕێژراو دادەنێن و چاودێرى کردارەکانى دەکات .
دووه‌م: ئەرکەکانى دەزگاکانى ڕاگەیاندن ئاوێنەى سیاسەتى ناوەخۆ و دەرەوەى حزبە، لەگەڵ بڕواو هەڵوێستى حزب بەرامبەر کێشە جیاوازەکانى گەلى عێراق و ووڵاتانی تر ، بەشێوازى ڕاگەیاندن و هاوچەرخى سەرکەوتوو .

سێ یه‌م:- هۆیەکانى ڕاگەیاندنى حزب پێک دێت لە
آ- ئێزگه‌کانى ڕادیۆى ناوەندى.
ب-ئێستگەکانى ڕادیۆى ناوچەیى.
ج- ڕۆژنامەى حزبى ناوچەیى.
د- گۆڤارە ناوەندە ناوخۆییەکان .
ڕ- پەرتووک و نامیلکەو بەیاننامەکان و …هتد .

چواره‌م:- خۆ ڕۆشنبیرکردن / خۆ ڕۆشنبیرکردن حزبى و گشتى ڕۆڵى سەرەکیان لەخولقاندنى ناسنامەو کەسایەتى حزب و ئەندامانى هەیە ،پەیوەندى گیانى نێوان حزب و ئەندامان و لایەنگرانى پتەو دەکات ،خۆ ڕۆشنبیرکردن ئامانجدار (مەبەستداره‌) بۆ خۆ ڕاگرتن و بنکەى حزب زۆر گرنگە بەرامبەر کێشەکانى دژى ئەنجام دەدرێت و ڕێگا دەگرێ لە دوژمنان و نەیاران کەوا کارى تیرۆرى و تێکدەرانە لەناو حزب ئەنجام دەدەن .
بەرنامەى خۆ ڕۆشنبیرکردن بۆ ئەندامانى حزب بەم ڕێگایانە دەبێت:-
ا-خولى خۆ ڕۆشنبیرکردن .
ب- ئەلقەى خوێندن .
ج- کۆڕسى تایبەتمەندى .
د- گۆڤارە ناوخۆییەکانى حزب .
ڕ- خولى لەناو بردنى نەخوێنددەوارى .
بەرنامەیەکى خۆڕۆشنبیرکردن دروستکرنى گشتى دەست نیشان دەکرێ بۆ ڕاکێشانى زۆرترین لایەنگران بۆ حزب کە لەلایەن نوسینگەى ڕاگەیاندن جێ به‌ جێ دەکرێت بە هەماهەنگى لەگەڵ مەکتەبى سیاسى و مەکتەبى ڕێکخستن و مەکتەبى لێکۆڵینەوەکان ،ئاڕاستە دەکرێت بۆ گشت چینەکان و توێژەکانى پیشەیى و کۆمەڵایەتى بەبەکارهێنانى هۆیەکانى ڕاگەیاندن کە لەبەر دەستى حزب دایە .
ڕوونکردنه‌وه‌ی کۆتایی‌
له‌ کاتی کۆنفرانس دا ئه‌م به‌رنامه‌و په‌یڕه‌وی ناوه‌خۆیه‌ پێداچوونه‌وه‌ی له‌سه‌ر ده‌کرێت ، وه‌ له‌ گۆنگره‌دا ده‌بێته‌ ده‌ستوور. lookup domain owner